Arbeiðsbústaður ella slumm

Tað varð ikki ein vøkur mynd, ið frágreiðingin Rumenar á loftinum málaði av addressunum í Jekaragøtu 8 og 10 í Havn. Umstøðurnar vóru ringar, um 50 rumenar vóru stúvaðir saman í tveir bygningar, sum eftir øllum at døma ikki vóru egnaðir til at húsa fólki, og yvirhøvur fekk lesarin tað inntrykk, at onkur bakmaður royndi at eyðræna rumensku arbeiðararnar, sum óttaðust at standa fram og gera vart við síni viðurskifti.

Fyri at fáa eina fullari mynd av, hvussu standurin er í bygningunum báðum í Jekaragøtu, fekst avtala í lag við Heðin Lamhauge, ið rekur Firmport, og sum eisini stendur fyri útleigu av húsunum í Jekaragøtu. Hann ger greitt frammanundan, at vit sleppa ikki inn allastaðni, tí summir rumenar eru til arbeiðis.

...