Býarfesti flutti veltuna inn í Miðbýin

Roynt varð í 2016 við sokallaðari urban gardening verkætlan í Havn. Hóast verkætlanin eydnaðist rættiliga væl, og bæði vitan og gleði stóðst burturúr fyri luttakararnar, so datt hon niðurfyri. Eftir er kortini vitanin, at tað letur seg væl gera at velta til egna nýtslu

Í 2016 fóru tvey ung, Birgith Lassen og Rólant Dam, undir eina verkætlan, ið skuldi flyta náttúru og matframleiðslu inn í hjartað í Havnini. Tórshavnar kommuna lat 100.000 krónur í stuðuli, og talan var í fyrstu atløgu um eina royndarverkætlan. Men hóast bæði kommuna og verkætlanarleiðarar ynsktu, at verkætlanin...