Minnast tey, sum slóðaðu fyri

Kvinnustríðið er ikki tað sama í dag sum fyrr, men altjóða kvinnudagurin hevur kortini ikki tænt fyri seg. Kvinnudagurin fær okkum at minnast tey rættindi, sum eru vunnin, og harumframt eru eisini nýggjar avbjóðingar at taka fatur um, heldur Elsebeth Mercedis Gunnleygsdóttur, landsstýriskvinna í almannamálum

Tá spurd, um vit framvegis hava tørv á at halda kvinnudag í 2020, er Elsebeth Mercedis Gunnleygsdóttur avgjørd.

–Sjálvandi hava vit tað. Vit halda hesar dagarnar fyri at minnast og virða tað arbeiðið og teir dystir, sum eru vunnir. Og tað er heldur ikki avmarkað til bert kvinnudagin, tí tað eru fleiri dagar, har...