TIÐINDI     SOSIALURIN

Oddagrein: Kanningar og tvey ymisk val

Hóast fleiri hava ilt eyga á velj­ar­a­kann­ing­um, so vóru kortini nakr­ar kann­ing­ar undan hesum fólka­tings­val­i­num, sum vístu á tað úrslitið, sum bleiv: At Sam­­bands­­flokk­­u­r­­in fór at taka fyrra sessin og Javn­að­ar­flokk­urin tann seinna.

 

 



Men tá til stykkis kemur, so er eing­­­in velj­ar­a­kanning so góð, sum tá velj­­ar­­a­rnir fara fram at at­kvøð­u­­kass­­anum og velja.

Taka vit so úrslitið av fólka­tings­vali­­num og gera tað um til eitt løg­tings­val, so verða stórar broytingar í sam­an­sestingini á tingi, tí so verð­ur Sam­­bands­flokkurin tann størsti flokk­­ur­in, sum fær 9 tingfólk. Javn­­að­­ar­flokk­uri­n næstur við 8, síð­ani Fólka­­flokk­urin 7 og Tjóð­veldi helst við 6. Tað kundi merkt, at Sam­bands­flokk­ur­in og Javn­­að­ar­flokk­ur­in gjørdu eina heima­stýrissamgongu einsa­mall­ir. Ein samgonga, sum ikki er roynd áður. Bara tvær ferðir hava vit havt tvey­flokka­sam­gong­ur. Tað var valskeiðið 1950-54, tá Sam­bands­flokk­ur­in og Fólk­a­flokk­ur­in vóru einsamallir í samgongu, og tá Javn­að­ar­flokk­ur­in og Fólkaflokkurin vóru eins­a­mall­ir í sam­gongu frá 1991-93.

Men hóast vit taka fólka­tings­val­ið sum eina veljarakanning, so vita vit av royndum, at heldur ikki hon er serliga eftirfarandi fyri eitt løg­tings­val. Eitt er, at Miðflokkurin ikki still­aði upp hesaferð. Men taka vit teir fýra stóru flokk­ar­nar, so vita vit av roynd­um, at úrslitið ikki er tað sama, hó­ast fólkatingsvalið bara er góð­ar tveir mánaðir fyri løg­tings­valið. Soleiðis var eisini í 2015, tá fólka­tings­val var 18. juni og løg­tings­val 1. september.

Hesaferð var fólkatingsvalið 5. juni og løgtingsvalið verður eftir ætl­an løgmans 31. august.

Ímynda vit okkum, at munurin hjá flokkunum á báðum valunum í 2015 verð­ur tann sami í ár millum fólka­tings- og løgtingsval, so skal Fólka­flokk­urin rokna við eini fram­gongd og fær 24 prosent. Sam­bands­flokk­urin missir, tí lutfalsliga fleiri sam­bands­fólk fara á fólkatingsval. Flokk­urin hevði fingið 22,5 prosent. Javn­að­arflokkurin hevði fingið 26,3 og Tjóð­veldi 15,7 prosent. Tað hevði giv­ið Fólkaflokknum 8, Sam­bands­flokk­i­num 7, Javnaðarflokkinum 8 og Tjóð­veldi 5 tingfólk.

Helst fara vit at síggja aðr­ar velj­ar­a­kann­ingar fram til løgtingsvalið, og helst fara tær eisini at peikað í yms­ar ættir.

Fólkatingsvalið er heldur ikki ein velj­ar­a­kanning. Men eitt val til Fólk­a­tingið. Vit vita, at veljarar hugsa øðr­vísi til løgtingsval – og enn er góð tíð hjá ymsu flokkunum og val­evn­un­um at gera vart við seg. Men eins og áður vísti fólkatingsvalið, at tann, sum hálar atkvøður inn í Havn – hann vinnur valið.