TIÐINDI     SOSIALURIN

Ólavur syngur um Føroyar

Ólavur á Váli Olsen hevur innspælt nýggjan fosturlandssang, sum Heri Nolsøe hevur skrivað.



»Føroyar mín drotning« kallast nýggjur sangur, sum Ólavur á Váli Olsen hevur innspælt. Heri Nolsøe hevur skrivað sangin, sum er heilsan til Føroyar.
Karl Martin Samuelsen og Mikkjal Hvannastein hava lagt innspælingina til rættis og hava framleitt. Erik Biskopstø hevur verið við at gera upptøkur.
Tónleikarar eru eitt nú Erik Biskopstø, Høgni Klakkstein, Pætur við Keldu, Arnold Mortensen og Mikkjal Hvannastein.
Ólavur á Váli Olsen syngur sangin, og hann hevur fleiri kórsangarar afturat sær – Eyðun Jacobsen, Jákup Pauli Johannesen, John Færø, Karl Martin Samuelsen, Petur Vitalis og Torkil Mørkøre.
Sangurin kann nú hoyrast á eitt nú YouTube, har videolag er gjørt til sangin.